Бел чад се појави од оџакот во Ватикан, избран е новиот папа

ЛОНДОН (АА) - Бел чад излезе од оџакот на Систинската капела, сигнализирајќи го изборот на нов папа, јавува Анадолу.

Се очекува новиот папа наскоро да се појави на балконот што гледа на плоштадот, каде што ќе се обрати на насобраните граѓани.

Висок кардинал треба да го потврди изборот со традиционалното соопштение „Habemus Papam“, што на латински значи „Имаме папа“.

Потоа кардиналот ќе го претстави новиот папа со неговото избрано папско име, означувајќи го почетокот на новото поглавје во раководството на Ватикан.

Папската конклава во 1492 година - истата година кога Кристофер Колумбо стигна во Америка - е првата што се одржа во Систинската капела. Во средината на 1200-тите, изборот на нов папа траел по речиси три години. Во 2013 година, помалку драматично, Франциск е избран по пет гласања одржани во текот на два дена.

Франциск почина на 21 април, на 88-годишна возраст, откако претрпе низа здравствени проблеми, вклучително и срцев удар.