Бројни делегации ја напуштија седницата на ГСОН за време на обраќањето на Нетанјаху

ЊУЈОРК (АА) - Туркије и делегациите на многу други земји ја напуштија салата во знак на протест поради обраќањето на израелскиот премиер Бенјамин Нетанјаху пред Генералното собрание на Обединетите нации (ГСОН), известува Анадолу.

Нетанјаху влезе во салата и се упати кон говорницата за да се обрати на 79. заседание на Генералното собрание на ОН.

Во тој момент турската делегација, предводена од постојаниот претставник на Туркије во ОН, амбасадорот Ахмет Јилдиз, ја напушти салата пред Нетанјаху да го започне својот говор.

Истото го направија и многу други делегации, по што салата значително се испразни.

Додека Нетанјаху беше на говорницата, се слушаа некои гласови во салата.

Последниве денови жестоки критики предизвика на Нетанјаху да му се дозволи да се обрати на Генералното заседание на ОН.