Во Финска подготвен извештајот за членството во НАТО

СТОКХОЛМ (АА) - Финскиот комитет за одбрана соопшти дека членството во НАТО е најдоброто решение за осигурување на безбедноста на земјата во иднина, јавува Агенција Анадолија (АА).

Финскиот комитет за одбрана на Владата го претстави извештајот за можното членство на Финска во НАТО, на кој работеше долго време.

Во своето соопштение за медиумите на оваа тема, претседателот на Комитетот, Петери Орпо, истакнувајќи дека одбраната на земјата е добра, рече: „Нашата одбрана е добра, но не е доволна против руската закана. Затоа, членството во НАТО е најдоброто решение да обезбеди безбедност на земјата во иднина.“

Финскиот претседател Саули Нијнисте истакна дека на 12 мај ќе ја објави одлуката дали неговата земја ќе стане членка на НАТО.

- Соопштение од Шведска за НАТО -

Шведскиот министер за одбрана Петер Хултквист, во изјавата за шведското државно радио „SR“, рече дека одбранбената моќ на Скандинавија ќе се зголеми доколку Шведска и Финска се приклучат на НАТО.

Хултквист на 10 март истакна дека неговата земја нема да влезе во НАТО сè додека тој е министер за одбрана.