Германски министер уверен во трговскиот компромис на ЕУ и САД

БЕРЛИН (АА) - Германскиот министер за економија, Питер Алтмаиер, изјави дека е уверен оти ЕУ и САД ќе пронајдат разумен компромис за да ги решат трговските тензии, пренесува Anadolu Agency (AA).

Администрацијата на Доналд Трамп го одобри исклучокот за ЕУ од зголемувањето на такси за увоз на челик и алуминиум, но само до 1 мај. Неколку европски лидери го критикуваа краткиот временски период кој е оставен за разговори.

Германските медиуми во саботата ги објавија зборовите на министерот за економија Алтмаиер, кој изјави дека ЕУ и САД сакаат да работат заедно за да се спротистават на прекумерната количина на челик на глобалниот пазар која ја поттикнува Кина.

Германскиот министер додаде дека бараат заеднички став за тоа како да се изборат против соборувањето на цените и кражбите на интелектуалната сопственост.

„Сакаме да пронајдеме решенија кои се компатибилни со правата на меѓународната трговија“, истакна Алтмаиер.