Ирска стана првата европска нација што донесе закон со кој се забранува трговијата со окупираните палестински територии

ЛОНДОН (АА) - Ирска е подготвена формално да ја забрани трговијата со окупираните палестински територии (ОПТ), станувајќи првата европска земја што го прави тоа, изјави денес заменик-премиерот на земјата, јавува Анадолу.

„Ова е важна мерка, бидејќи зборуваме јавно и зборуваме во име на народот на Ирска во врска со оваа геноцидна активност“, изјави Сајмон Харис пред новинарите.

Харис рече дека се надева оти „вистинската придобивка“ од објавувањето на ова законодавство ќе биде тоа што може да ги инспирира другите земји да го сторат истото тоа.

„Бидејќи е важно секоја земја да ги користи сите лостови што ѝ се на располагање“, додаде тој.

Предлог-законот ја забранува трговијата со окупираните палестински територии со тоа што секој увоз оттаму ќе се смета за прекршок според Законот за царина.

Ирската Влада формално го одобри нацрт-законот во мај, со кој се забранува увозот на стоки произведени во израелските населби на Западниот Брег и Источен Ерусалим.