Alaattin Doğru
04 Септември 2019•Ажурирај: 08 Септември 2019
ДАКАР (АА) - Во западноафриканската земја Камерун откриени се 300 нови минерали кои ретко каде на друго место се наоѓаат во светот, јавува Anadolu Agency (AA).
Министерот за рударство, индустрија и технолошки развој на Камерун, Габриел Додо Ндоке, за време на Меѓународната конференција за рударство одржана во главниот град на оваа земја, Јаунде, даде информации во врска со ова откритие.
Ндоке нагласи дека во источниот и западниот дел на регионот Адамава, кој се наоѓа во северниот дел на Камерун, откриени се 300 минерали кои ретко каде на друго место се наоѓаат во светот, меѓу кои злато, дијамант, сафир, цинк, магнезиум и никел, и дека е започнат процесот за нивно мапирање.
Тој, истакнувајќи дека ова откритие предизвикало голема возбуда во земјата, додаде: „Откако ќе се синтезираат геохемиските анализи на овие минерали, ќе бидат овозможени за употреба за јавноста.“
Светската банка во голема мера нуди финансиска поддршка за оваа земја, во рамки на Проектот за развој на рударските капацитети, под образложение дека Камерун поседува голем број вредни минерали и руди.
