ОН: Агенцијата за палестински бегалци продолжува со работата во Газа

ВАШИНГТОН (АА) - Агенцијата на Обединетите нации за помош на палестинските бегалци (УНРВА) продолжува да работи во Појасот Газа и покрај забраната на Израел, изјави денес портпаролот на Обединетите нации (ОН), Стефан Дужарик, јавува Анадолу.

„Можам да ви кажам дека УНРВА денес ни кажа, разговаравме со нив преку телефон неколкупати утрово, дека тие продолжуваат да даваат помош и услуги до заедниците на кои им служат.“

„Клиниките на УНРВА низ окупираниот Западен Брег и Источен Ерусалим, се отворени. Во меѓувреме, хуманитарните операции во Газа продолжуваат“, изјави портпаролот Дужарик.

Тој додаде дека УНРВА е посветена кон тоа да остане, да ја испорача и да се посвети на ситуацијата во окупираната палестинска територија.

УНРВА „ќе продолжи да го исполнува својот мандат“, додаде тој.

Израел ѝ нареди на УНРВА да ги прекине сите свои операции во Источен Ерусалим заклучно со денес, во согласност со директивата споделена на 24 јануари во писмото од пратеникот на Израел во Обединетите нации, Дени Данон, до генералниот секретар на ОН, Антонио Гутереш.