ОН: На населението од 34 земји од светот му недостасува храна

ЊУЈОРК (АА) - Обединетите нации (ОН) објавија дека во 34 земји ширум светот поради воени судири, суши, поплави и други проблеми недостасува храна, јавува Anadolu Agency (AA).

Организацијата за храна и земјоделство при ОН (FAO) во својот Извештај истакнува дека во неколку земји нема храна и дека им е потребна помош од други. Од 34 земји кои имаат проблеми со храна, 27 се наоѓаат во Африка, а останатите во Азија.

Станува збор за следниве земји: Зимбабве, Буркина Фасо, Чад, Џибути, Еритреја, Гвинеја, Либерија, Малави, Мали, Мавританија, Нигер, Сиера Леоне, Бурунди, Конго, Етиопија, Кенија, Лесото, Мадагаскар, Мозамбик, Јужен Судан, Судан, Свазиленд, Уганда, Централноафриканска Република, Сомалија, Камерун, Демократска Република Конго, Авганистан, Мјанмар, Непал, Ирак, Сирија, Северна Кореја и Јемен.

Во многу земји проблем претставуваат сушите, полавите и другите временски непогоди, освен во Сирија, Ирак, Јемен, Јужен Судан, Бурунди, Централноафриканската Република и Авганистан каде што причина за недостатокот на храна се судирите.