Откажани 120 летови на аеродромот во Франкфурт поради неповолни временски услови

- Обилните снежни врнежи и ниските температури во Германија, предизвикаа одредени ограничувања на аеродромот во Франкфурт. Портпаролот на аеродромот за германскиот печат изјави дека се откажани 120 од вкупно 1.090 летови планирани за денеска.

БЕРЛИН (АА) - Обилните снежни врнежи и ниските температури во Германија, предизвикаа одредени ограничувања на аеродромот во Франкфурт, известува Анадолу.

Портпаролот на аеродромот за германскиот печат изјави дека се откажани 120 од вкупно 1.090 летови планирани за денеска.

Откажувањето на летовите е поради чистењето на пистите и видливоста.

Во објавата дадена на веб-страницата на аеродромот, им се препорачува на оние кои патуваат денес да се консултираат со своите авиокомпании за нивните летови и да одвојат дополнително време поради времето на чекање на аеродромот.

Германската служба за метеорологија предупреди и на појава на мраз во многу покраини во земјата.

Длабочината на снегот во Тирингија достигнала 23 сантиметри на некои места.

Вчера поради мраз беа откажани 30 летови на аеродромот во Берлин.