Претседателот на ЈАР до Трамп: Извинете што немам авион за да ви дадам

ВАШИНГТОН (АА) – Претседателот на Јужноафриканска Република, Сирил Рамафоса, денес му се извини, очигледно шегувајќи се, на американскиот претседател Доналд Трамп што нема авион за да му подари како почит кон американскиот лидер, јавува Анадолу.

„Жал ми е што немам да ви дадам авион“, рече Рамафоса во Овалната соба каде што Трамп му беше домаќин на билатералната средба и ручек.

„Камо да имавте. Би го прифатил“, рече Трамп. „Ако Вашата земја им понудеше авион на Воздухопловните сили на Соединетите Американски Држави, би го прифатил.“

Размената на шеги доаѓа откако Катар му подари на Трамп луксузен авион 747 за да го користи наместо Ер Форс Уан. Пентагон официјално соопшти дека авионот е примен токму кога Трамп имаше средба со Рамафоса.

Подарувањето авион, чија цена се проценува на 400 милиони долари, поттикна прашања за етиката и легалната издржаност и од републиканците и од демократите.

Кога новинар го праша во врска со авионот, Трамп го нарече новинарот „идиот“.

„Вие сте вистински, знаете, Вие сте ужасен новинар. Прво, го немате она што е потребно за да бидете новинар, не сте доволно паметен“, му рече Трамп.