Русија тврди дека спречила украински напад со беспилотнo леталo врз Москва

МОСКВА (АА) - Русија тврди дека денес спречила украински напад со беспилотно летало врз главниот град Москва и околниот регион, јавува Анадолу.

„Околу 4 часот наутро по московско време спречен е обид на режимот во Киев да изврши терористички напад врз објекти во Москва и Московската Област со беспилотнo леталo“, се вели во соопштението на руското Министерство за одбрана.

Силите за противвоздушна одбрана откриле беспилотно летало кое се движело во правец на рускиот главен град во воздушниот простор на Ступино во Московската Област, се вели во соопштението.

Беспилотното летало било пресретнато од возила за радио електронско војување, а потоа изгубило контрола и паднало во ненаселено подрачје, без да предизвика жртви или материјална штета, соопшти руското Министерство.