Израелскиот министер за финансии Смотрич: „Ќе ја интензивираме изградбата на еврејски населби на Западниот Брег“

ЕРУСАЛИМ (АА) - Израелскиот министер за финансии, Безалел Смотрич, изјави дека Владата ќе ги интензивира градежните активности во израелските населби на окупираниот Западен Брег, пренесува Анадолу.

Смотрич ја објави пораката на платформата за социјалните мрежи Х по вооружениот напад во градот Хувара во северниот дел на Западниот Брег, во кој беа убиени двајца израелски доселеници.

Смотрич го осуди нападот и порача дека израелската војска треба да продолжи со акциите и да ја гарантира безбедноста на Западниот Брег.

Додаде дека Владата во текот на овој процес ќе ги интензивира градежните работи во населените места на Западниот Брег.

Во извештајот на израелската невладина организација „Peace Now“ се наведува дека израелската влада планира да одвои 190 милиони долари за илегални еврејски населби на Западниот Брег.

Двајца израелски доселеници беа убиени во вооружен напад на 19 август во градот Хувара во северниот дел на Западниот Брег.