Русија: Хеликоптери на Украинската армија погодија руска нафтена рафинерија

МОСКВА (АА) - Вјачеслав Гладков, гувернерот на градот Белгород, Русија, истакна дека хеликоптери на украинската војска ја нападнале рафинеријата за нафта во градот, пренесува Агенција Анадолија (АА).

Во својата писмена изјава Гладков рече дека избувнал пожар поради експлозијата во нафтената рафинерија.

Гладков нагласи дека пожарот настанал како последица на нападот на хеликоптерите на украинската војска, кои полетале на мала надморска височина и влегле во Русија.

Тој истакна дека од експлозијата во рафинеријата нема загинати и повредени.

Во соопштението на Министерството за вонредни состојби на Русија се наведува дека цивилите во близина на рафинеријата, која е на околу 40 километри од украинската граница, се евакуирани и дека продолжуваат работите за гаснење на пожарот.