Саудиска Арабија повторно ги отвори сите гранични премини

РИЈАД

Саудиска Арабија повторно ги отвори граничните премини кои ги затвори со цел спречување на ширењето на коронавирусот (Ковид-19), пренесува Агенција Анадолија (АА).

Од денес повторно се отворени воздушните, поморските и копнените граници, затворени на 20 декември.

Саудиска Арабија ги запре сите меѓународни летови на една седмица поради избивањето на новата варијанта на коронавирусот.

Велика Британија претходно во декември објави дека е забележано брзо ширење на новата варијанта на коронавирусот, поради што повеќе земји ги запреа патувањата во оваа земја, како и од неа.

Светската здравствена организација побарала претходно од земјите да ги удвојат своите здравствени мерки по ширењето на новата варијанта на коронавирусот.

Саудиските власти исто така тогаш им наредија на сите кои се вратија или поминаа низ европските земји во изминатите три месеци веднаш да се тестираат на Ковид-19.