Финскиот Парламент го одобри влезот во НАТО

ЛОНДОН (АА) - Финскиот Парламент денес го ратификуваше законот со кој се одобрува пристапување на оваа нордиска земја во НАТО, јавува Анадолу.

Мнозинството фински пратеници гласаа за одобрување и спроведување на Северноатлантскиот договор, а 184 пратеници го поддржаа членството на земјата во НАТО.

Земјата официјално аплицираше за членство во НАТО заедно со Шведска минатиот мај, по децении воено неврзување, одлука поттикната од војната на Русија против Украина, која започна на 24 февруари 2022 година.

Членството на две земји во НАТО е предмет на ратификација на сите 30 земји членки на Алијансата.