Шефот на НАТО повика на континуирана поддршка за Украина во војната против Русија

БЕРЛИН (АА) - Генералниот секретар на НАТО, Марк Руте, денес повика на континуирана поддршка за Украина во нејзината војна против соседна Русија, според извештаите во печатот, јавува Анадолу.

„Мораме да направиме сѐ што можеме за да обезбедиме Украина да го добие она што ѝ е потребно во однос на обуката и опремата за да ја продолжи борбата и да преживее“, изјави Руте на маргините на состанокот на Контакт-групата за Украина во базата на американските воздухопловни сили во Рамштајн.

„Клучно е Украина да се стави во најдобра можна позиција за да може во одреден момент да започне преговори за решавање на конфликтот самоиницијативно“, додаде тој.

„Доколку таквите преговори не резултираат со добар договор, тоа ќе се забележи и во Кина, Северна Кореја и Иран“, предупреди Руте, алудирајќи на фактот дека овие земји би можеле да се чувствуваат охрабрени од рускиот успех во Украина.

„Војната не е само за Украина, туку и за геополитичкиот контекст“, рече Руте.

Состанокот на Контакт-групата за одбрана на НАТО се одржува во услови на тешка воена ситуација за Украинските вооружени сили на источниот дел земјата и сценариото дека новоизбраниот американски претседател Доналд Трамп може да се обиде да ги притисне Киев и Москва на преговори.

Трамп неодамна рече дека се надева дека војната ќе заврши „многу порано пред да поминат шест месеци“.