Формула 1: Хамилтон со победата во Јапонија на чекор до титулата шампион

ИСТАНБУЛ (АА) - Британскиот возач на болидот на Мерцедес, Луис Хамилтон, утринава победи во трката на Формула 1 која се возеше за Големата награда на Јапонија во Сузуки, пренесува Anadolu Agency (AA).

Хамилтон ја започна трката од првата стартна позиција и го задржа водството до крајот. Со осмата победа сезонава и вкупно 61 победа во кариерата, Хамилтон стигна на чекор до титулата шампион, бидејќи неговиот најголем ривал, Германецот Себастијан Фетел, денес се отстапи поради дефект на болидот на Ферари.

Второто место денес го освои холандскиот возач на Ред Бул, Макс Ферштапен, а трет беше неговиот тимски колега, Австралиецот Даниел Рикардо.

До крајот на сезоната останаа четири трки, а Хамилтон има 59 поени предност пред Фетел и веќе во следната трка може да ја освои титулата шампион.

На третото место во пласманот на возачи е пилотот на Мерцедес, Валтери Ботас, кој има само 13 поени помалку.

Тимот на Мерцедес со 540 собрани поени убедливо води и во пласманот на конструкторите пред Ферари, кој има 395 поени.

Следната трка на Формула 1 е закажана за 22 октомври, а ќе се вози на патеката во градот Остин, САД.