Турција упати сочувство до Авганистан по силниот земјотрес

АНКАРА (АА) - Турција денес упати сочувство до Авганистан по земјотресот на истокот од земјата во кој загинаа стотици луѓе, јавува Анадолу.

„Длабоко сме ожалостени од загубата на животи на толку многу луѓе во земјотресот што се случи синоќа (31 август) во близина на градот Џалалабад, Авганистан“, се вели во соопштението на турското Министерство за надворешни работи.

„Им посакуваме милост од Алах на оние што ги загубија животите и му изразуваме сочувство на народот на Авганистан“, се додава во соопштението.

Најмалку 800 луѓе загинаа во земјотресот со магнитуда од 6 степени што го погоди подрачјето во близина на градот Џалалабад, според официјалните претставници и локалните медиуми.