Ердоган: „Турција е препуштена сама на себе во борбата за спречување на нерегуларни миграции“

АНКАРА (АА) - Турција беше напуштена во своите напори да спречи нерегуларна миграција, изјави турскиот претседател Реџеп Таип Ердоган денеска, пренесува Агенција Анадолија (АА).


„Турција е оставена сама во својата извонредна борба да спречи нерегуларна миграција која потекнува од Сирија“, рече Ердоган во видеопораката испратена до симпозиумот за Егејското Море и односите со Грција.

Истакнувајќи дека бегалската криза може да биде значајна во зајакнувањето на соработката меѓу Турција и Грција, Ердоган рече дека Атина ја загубила оваа можност со својот „бескомпромисен став“.

Тој рече дека Турција очекува Грција да ги почитува нејзините права и интереси и ја повика соседната земја да избегне „еднострани дејствија“ и „обиди за извршено дело“.

„Ќе најдеме решенија засновани на правичност, правда и соработка со Грција, набљудувајќи ги соседските врски“, додаде тој.