Постапка против сопственикот на лиценцата за „БајЛок“, програма за шифрирана комуникација на терористите на ФЕТО

ИСТАНБУЛ (АА) - МУРАТ КАЈА/МУРАТ ПАКСОЈ -

Судот во Турција поведе постапка против Дејвид Кејнес, припадник на терористичката организација ФЕТО и сопственик на лиценцата за програмата за шифрирана комуникација на терористите на ФЕТО „Бајлок“ (ByLock). Обвинителството побара казна затвор од 15 години за Кејнз, јавува Агенција Анадолија (AA).

Станува збор за Алпарслан Демир, кој го смени името откако доби државјанство на Соединетите Американски Држави (САД).

Републичкото обвинителство во Истанбул ја заврши истрагата против Кејнес, кој призна дека е сопственик на лиценцата за програмата за шифрирана комуникација на терористите на ФЕТО „БајЛок“. Тој се товари за кривичното дело „членување во терористичка организација“ за што е побарана казна од 15 години затвор.

Според информациите кои ги доби новинарот на АА, Републичкото обвинителство на 17 декември минатата година издаде потерница за Кејнес. Преку неговиот адвокат, Кејнес на 4 март 2021 година упати барање во кое наведува дека е подготвен да дојде во Турција за спогодбено признавање на вината. Кејнес на 9 јуни пристигна во Истанбул каде што беше и приведен.

Во обвинението се споменува структурата на ФЕТО и карактеристиките на програмата „БајЛок“ што членовите на организацијата ја користеле за тајна комуникација.

Исто така, се наведува дека е утврдено дека осомничениот имал контакти со терористичката организација ФЕТО, престојувал во т.н. куќи на ФЕТО, бил одговорен за одредени функции во рамките на организацијата, бил унапреден во т.н. структура на махрем имам во ФЕТО. Се наведува и дека осомничениот дури имал и директни средби со водачот на терористичката организација, Фетула Ѓулен. Испратен е во САД поради поседување доверливи информации, а по наредба на Ѓулен го изнајмил името на домеинот „ByLock“ шифрирана програма за допишување што ќе се користи во доверлива комуникација во рамките на организацијата, и се префрлил на истата апликација на „Google Market“ и „Apple Store“.

Терористичката организација ФЕТО е одговорна за крвавиот обид за пуч во Турција ноќта на 15 јули 2016 година.

Станува збор за терористичка организација предводена од Фетула Ѓулен, кој живее во Соединетите Американски Држави (САД) и чија екстрадиција Турција официјално ја побара од САД.

Припадниците на терористичката организација, со години, преку местење на испитите напредуваа во службата, инфилтрирајќи се на тој начин во институциите на државата. Потоа, најпрвин во декември 2013 година, членовите на ФЕТО, со монтиран процес за наводна корупција, во правосудството на Турција се обидоа да процесуираат бројни високи функционери.

Неколку години подоцна следуваше и неуспешниот крвав обид за државен удар на терористите на ФЕТО, односно обидот за пуч, што го изведоа офицерите на ФЕТО инфилтрирани во турската војска.

Истрагата во врска со терористичката организација ФЕТО покажа дека се работи за глобална мрежа, која не претставува опасност само за Турција, туку и за секоја друга земја во која е активна. На тоа во повеќе наврати укажуваа турските официјални претставници. Во текот на обидот за државен удар во Турција загинаа 251, а ранети беа 2.734 лица.