Седат Онал е новиот амбасадор на Туркије при ОН

АНКАРА (АА) - Турскиот министер за надворешни работи, Мевлут Чавушоглу, назначи голем број нови амбасадори во турските дипломатски претставништва, меѓу кои и турскиот заменик-министер за надворешни работи, Седат Онал, кој е назначен за амбасадор на Туркије при Обединетите нации (ОН), јавува Агенција Анадолија (АА).

По неодамнешното нормализирање на дипломатските односи меѓу Туркије и Израел, за нов турски амбасадор во Тел Авив е назначен Сакир Озкан Торунлар. Минатата недела израелската Влада го одобри назначувањето на Ирит Лилијан за нов амбасадор на Израел во Туркије.

Турскиот заменик-министер за надворешни работи, Фарук Кајмакџи, кој е и директор за ЕУ-прашања, е назначен за нов турски амбасадор во Европската Унија.

За турски амбасадор во НАТО е назначен Зеки Левент Гумрукчу, кој раководи со Генералниот директорат за Америка.

Корај Ерташ, специјалниот советник на Чавушоглу, беше назначен за амбасадор во Лондон, додека Чагатај Ерџиес стана нов амбасадор во Атина.

Селчук Унал, генерален директор за Сирија, стана нов амбасадор во Хаг, Холандија, додека Нур Сагман е назначен за амбасадор на Туркије во Дакар, Сенегал.

Уфук Улуташ, раководител на Центарот за стратешки истражувања на Министерството, е назначен за амбасадор на Туркије во Ватикан.

Бариш Калкаван е новиот турски амбасадор во Подгорица, Црна Гора, а Сабри Тунч Ангили е новиот турски амбасадор во Приштина, Косово.