Тројца терористи се неутрализирани во југоисточна Турција

АНКАРА

Најмалку тројца терористи се неутрализирани во домашна антитерористичка операција во југоисточна Турција, се соопштува од Министерството за внатрешни работи, јавува Агенција Анадолија (АА).

Во соопштението, Министерството вели дека терористите биле цел на локалните жандармериски сили со поддршка на турските воздухопловни сили за време на операцијата „Ерен-13“ во областа Ширнак.

Се додава дека операциите во регионот се во тек.

Операцијата „Ерен“, именувана по Ерен Булбул, 15-годишник убиен од терористичката ПКК на 11 август 2017 година, започна во јануари за да биде елиминиран тероризмот во земјата.

ПКК е сепаратистичка организација што се наоѓа на списокот терористички организации во Турција, Европската Унија и во САД. За време на тридецениската терористичка кампања против Турција, терористите на ПКК убија најмалку 40.000 луѓе.