Турција депортира осум странски државјани поврзани со ДЕАШ

ИСТАНБУЛ

Турција ќе депортира осум странски државјани, коишто се уапсени во Истанбул во операцијата против терористичката организација ДЕАШ, јавува Агенција Анадолија (АА).

Во истанбулската полиција е завршена криминалистичката обработка на 10 осомничени лица, коишто пред два дена се приведени во текот на акцијата во Истанбул, а за кои се сомнева дека биле во редовите на ДЕАШ, односно дека пружале логистичка и материјална поддршка на терористичката организација.

Меѓу 10-те приведени лица, 9 се странски и еден е државјанин на Турција.

За осум од нив е донесена одлука за депортација, но не е познато чии државјани се лицата.

Едно лице сѐ уште е под криминалистичка обработка, а едно е пуштено на слобода.