Турција: Шумите во Текирдаг обоени со есенските бои

ТЕКИРДАГ (АА) - Шумите во Текирдаг, северозападна Турција, за време не есента им нудат прекрасни глетки на своите посетители, јавува Агенција Анадолија (АА).

Шумите, лоцирани во Учмакдере во областа Шаркој, со различните нијанси на жолта, кафеава и зелена боја наликуваат на прекрасен шарен килим.

Шумите на падините на планината Ганос се во фокусот на вниманието на посетителите. Тие се посетени и од оние кои сакаат да фотографираат различни тонови на бои.

Директорот за култура и туризам на општината, Ахмет Хаџиоглу, во изјавата за Агенција Анадолија (АА) рече дека Текирдаг на посетителите во секоја сезона им нуди различни убавини.

„Луѓето уживаат во ова изобилие на бои што ги нуди природата во нашиот град, кој е најблиску до Истанбул. Во секој дел на шумата наидуваат на различна убавина. Посетителите кои доаѓаат овде, го ублажуваат стресот и наоѓаат мир во шумата.“