Cinazeyê 3 leşkerên ku li navçeya Yuksekovayê (Gever), di encama êrîşên çekdar ên terorê de mirin, şandin bajarê wan û defin kirin.
Li Fermandariya Çiya û Komandoyê ya Hekariyê ji bo şehîdan merasim hat lidarxistin, piştî merasimê cinazeyên şehîdan şandin Wanê.
Li Fermandariya Fîlo ya Helîkopterê ya Wanê ji bo şehîdan cardin merasim hat lidarxistin.
Di merasimê de ji bo şehîdan rêz hat girtin û kurtejiyana 3 şehîdan hat xwendin. Piştre Miftiyê Bajêr Nîmetullah Arvas Qur'ana pîroz xwend û dia kirin.
Piştî diayan cinazeyên 3 şehîdan bi 2 firokeyan şandin bajarê wan.
Wezîrê Parastina Neteweyî Îsmet Yilmaz, Alîkarê Wezîrê Karên Hundir Osman Guneş, WaliyêWanê Aydin Nezîh Dogan, Parlementerê AK Partiyê yê Wanê Fatîh Çîftçî, Fermandarê Cendirmeyan ê Giştî Orgeneral Abdûllah Atay, Fermandarê 2emîn ê Artêşa Kolorduyê Orgeneral Galîp Mehdî, Serokê Venêrînê yê Fermandariya Giştî ya Cendermeyan Korgeneral Harûn Ocakli, Fermandarê Asayişê yê Cendirmeyan yê Wanê Korgeneral Abdullah Barûtçû, Serdozgerê Komarê yêWanê Savaş Duzgun, Serokê Komisyona Daraza Edlî Mesût Bîlen digel serokên saziyên kamuyê û welatî beşdarî merasimê bûn.
Çawişê Pispor Ramazan Gulle
Cinazeyê şehîd Ramazan Gulle anîn Çeltîka navçeya Konyayê û li vir veşartin.
Serokomar Recep Tayyip Erdogan, Serokwezîr Ahmet Davutoglu, Serokê Giştî yê CHPyê Kemal Kiliçdaroglu, Wezîrê Karên Navxweyî Efkan Ala û Hêzên Çekdar ên Tirk ji bo şehîdan çelenk şandin.
Şehîd Ramazan Kose
Ramazan Koseyê ku di encama êrîşa li Yuksekovayê de şehîd bû şandin Artîvîna bajarê wî. Kose li vir hat veşartin.
Şehîd Cendirme Yûnûs Yilmaz
Şehîd Cendirme Yûnûs Yilmaz jî li Karliovaya navçeya Bîngolê duh bi merasîmek hatibû veşartin.
