Министерот за внатрешни работи на Албанија поднесе оставка

ТИРАНА (АА) - Министерот за внатрешни работи на Албанија, Фатмир Џафај, поднесе оставка од својата министерска функција, пренесе Anadolu Agency (AA).

Премиерот на Албанија, Еди Рама, оваа вест ја соопшти во објава на Твитер, каде што напиша дека за функцијата министер за внатрешни работи го предложил Сандер Леши.

„Ја прифатив оставката на министерот Џафај, на кого му се заблагодарив за неговиот досегашен значаен придонес. Генералот Сандер Леши ќе донесе една позитивна енергија на чело на Министерството за внатрешни работи. Сега треба да се зголеми брзината и да се постигнат позначајни резултати“, нагласи Рама.

Сандер Леши досега беше на функцијата советник за безбедносни прашања на албанскиот премиер.

Фатмир Џафај на оваа функција дојде на 13 септември 2017 година. Сѐ уште се нејасни причините за поднесувањето оставка.