Силен земјотрес го погоди западниот брег на Грција

АТИНА (АА) - „Силен земјотрес со магнитуда од 6,8 степени го погоди западниот брег на Грција“, соопштија локалните власти, пренесува Anadolu Agency (AA).

Според Европско-медитеранскиот сеизмолошки центар, епицентарот на земјотресот бил 53 километри југозападно од островот Закинтос со длабочина од 10 километри.

Земјотресот бил почувствуван во главниот град Атина, како и во Малта и Албанија.

Потоа следувале афтершокови со магнитуда од 5,6 степени.

„Земјотресот предизвикал штета во некои населби во регионот, но не се пријавени жртви“, објавија локалните медиуми.

Управата за катастрофи и ургентни состојби при Владата на Турција (AFAD) на својата официјална веб-страница објави дека земјотресот бил регистриран меѓу Италија и Грција во Јонското Море во 22:54 часот по Гринич.