Африка: Речиси 50.000 заразени од Ковид-19

ИСТАНБУЛ

На африканскиот континент во изминатите 24 часа потврдени се 2.234 нови случаи на коронавирусот (Ковид-19), јавува Агенција Анадолија (АА).

Од Африканскиот центар за контрола и превенција на болеста (Afrika CDC) соопштено е дека вкупната бројка на заразени на тој континент порасна на 49.352.

Во истиот период починаа 116 лица, со што вкупната бројка на починати достигна 1.959.

Досега се излекувани 16.315 лица кај кои претходно е дијагностициран Ковид-19.

Најмногу случаи на заразување со коронавирусот се забележани во Јужна Африка, Египет, Мароко, Алжир, Нигерија, Гана и Камерун.