Фон дер Лајен: Местото на сите шест земји од Западен Балкан е во Европа

СКОПЈЕ (АА) - Претседателката на Европската комисија (ЕК), Урсула фон дер Лајен, ги пречека лидерите на земјите од Западен Балкан на средба во Брисел, јавува Анадолу.

Лидерите од Северна Македонија, Албанија, Косово, Црна Гора, Србија и Босна и Херцеговина отпатуваа во Брисел за да одржат состанок на високо ниво со претседателката на ЕК.

„Денес ги примив лидерите на шесте партнерски земји од Западен Балкан. Местото на сите шест земји е во Европа. Ова е тоа на што работиме. Во исто време ги приближуваме нивните економии и пазари до нашите економии и пазари со Планот за раст од 6 милијарди евра за регионот“, рече Фон дер Лајен на X.

Претседателката на ЕК сподели и видео од приемот, а на средбата се: претседателот на Србија, Александар Вучиќ, премиерите на Северна Македонија, Христијан Мицкоски; на Албанија, Еди Рама; на Косово, Албин Курти; на Црна Гора, Милојко Спајиќ; како и претседателката на Советот на министри на Босна и Херцеговина, Борјана Кристо.