Австријците јадат најскапо, а Полјаците и Романците најевтино месо во ЕУ

АНКАРА (АА) - Цените на месото во Австрија минатата година беа за речиси 50 отсто поскапи од просекот во Европската Унија (ЕУ), пренесува Anadolu Agency (AA).

Еуростат, Заводот за статистика на ЕУ, го објави извештајот во кој се наведува дека Австријците за 46 отсто поскапо го плаќаат месото од просекот во Европската Унија, и дека по висината на цените на месото минатата година следуваат Луксембург, Франција и Белгија.

Од друга страна, Полјаците и Романците минатата година јаделе најевтино месо во ЕУ.

Цената на месото во Полска и Романија била 37 отсто пониска во однос на просечната цена на месото во ЕУ. Приближно ниска цена месото имало во Бугарија и Литванија.