Ömer Tuğrul Çam
02 Јуни 2022•Ажурирај: 06 Јуни 2022
БРИСЕЛ (АА) - Речиси две третини од Данците вчера гласаа за приклучување кон заедничката одбранбена политика на Европската Унија (ЕУ), јавува Агенција Анадолија (АА).
„Огромното мнозинство Данци, или 67 отсто, гласаа за приклучување кон одбранбената политика“, објави данскиот јавен сервис ДР.
Со резултатот од референдумот, одржан откако Русија ја започна војната против Украина, Данска ќе може да учествува во заедничките воени операции на ЕУ и да соработува за развој на воениот капацитет на блокот.
Идејата за вклучување на Данска во одбранбените политики на ЕУ беше поддржана од социјалдемократската Влада на премиерката Мете Фредериксен и девет политички партии. Сепак, две екстремно десничарски партии и една крајно левичарска партија беа против тоа.
- ЕУ задоволна од одлуката -
ЕУ ја поздрави предноста на данскиот народ нивната земја да биде вклучена во одбранбената политика на блокот.
Шефот за надворешна политика на ЕУ, Жозеп Борел, потегот го нарече „историска одлука“.
„Уште еден важен и навремен чекор кон посилна ЕУ со уште посилна заедничка безбедносна и одбранбена политика“, напиша Борел на Твитер.
Како членка на ЕУ од 1973 година, Данска одржа референдум за Договорот од Мастрихт во 1992 година. На гласањето беше потпишан посебен договор меѓу земјите членки на ЕУ и Данска со одлука за „отфрлање“ на договорот.
Според договорот, Данска го доби правото да ги следи сопствените политики за одбраната, валутата, државјанството на ЕУ и правосудниот систем на ЕУ и одлучи да ги применува регулативите на ЕУ за други прашања.
