Ekipa
18 Јули 2022•Ажурирај: 19 Јули 2022
БРИСЕЛ (АА) - Европската Унија (ЕУ) денес ги продолжи санкциите против терористичката организација ПКК и ДХКП/Џ за уште шест месеци додека ја обнови својата листа на терористички организации, јавува Агенција Анадолија (АА).
Советот на Европската Унија соопшти дека листата на терористи е обновена без никакви промени.
На црната листа и понатаму се наоѓаат 13 лица и 21 ентитет или група, вклучително и ПКК и екстремно левичарската ДХКП/Џ, кои се предмет на рестриктивни мерки.
Санкционирани се и терористичките организации ИБДА-Ц и ТАК.
Со цел борба против тероризмот, Блокот ги замрзнува фондовите и финансиските средства во ЕУ на лицата и групите од листата и им забранува на операторите на ЕУ да им ставаат на располагање економски ресурси.
ЕУ применува посебен механизам за санкции за Ал Каеда и ДЕАШ.
Во својата над 35-годишна кампања против Туркије, ПКК, која се наоѓа на листата на терористички организации во Туркије, САД и ЕУ, одговорна е за смртта на над 40.000 луѓе, вклучително жени, деца и доенчиња.
ДХКП-Џ е одговорна за голем број терористички напади во Туркије, вклучувајќи го и нападот врз американската Амбасада во Анкара во 2013 година.
И ПКК и ДХКП-Џ се наведени како терористички организации во Туркије и САД.
