Земјотрес со интензитет од 5 степени го потресе Иран

ТЕХЕРАН

Земјотрес со интензитет од 5 степени ја потресе иранската покраина Хузистан, сместена во југозападниот дел на земјата, известува Агенција Анадолија (АА).

Центарот за сеизмологија при Универзитетот „Техеран“ објави дека епицентарот на земјотресот се наоѓа во местото Андика во покраината Хузистан, на длабочина од 7 километри. Земјотресот се случил во 2:46 часот по локално време.

Засега нема никакви информации за евентуални човечки жртви или настаната материјална штета.