Почина последниот грчки крал Константин Втори

АТИНА (АА) – Поранешниот, воедно и последниот крал на Грција, Константин Втори, почина во Атина на 82-годишна возраст, пренесува Агенција Анадолија (АА).

Грчката новинска агенција АМНА објави дека Константин, кој веќе одредено време имал сериозни здравствени проблеми и последните денови се борел со Ковид-19, починал синоќа.

Константин Втори, кој е роден во јуни 1940 година во округот Палео Психико во главниот град Атина, ја носеше титулата крал на Грција од 1964 до 1973 година, кога монархијата беше укината со референдум.

Поранешниот крал замина во странство во декември 1967 година, по неуспешната акција на воената хунта против диктаторскиот режим во земјата.

Константин Втори, кој живееше во Италија и Велика Британија, повеќе сакал да живее во Грција во последните години од својот живот.

Грција во 2003 година исплати над 13 милиони евра отштета на поранешниот крал, кој бараше компензација за експропријација на кралскиот имот.