Турција, Ирак и Иран обединети против референдумот во северен Ирак
Министрите за надворешни работи Мевлут Чавушоглу, Ибрахим ал-Џафари и Џавад Зариф, се состанаа во Њујорк за да разговараат за нивниот одговор на референдумот планиран за понеделник
АНКАРА (АА) - Турција, Ирак и Иран се обединија против планираниот курдски референдум за независност во северен Ирак, предупредувајќи за координирани контрамерки на гласањето, Anadolu Agency (AA).
Министрите за надворешни работи Мевлут Чавушоглу, Ибрахим ал-Џафари и Џавад Зариф, се состанаа во Њујорк за да разговараат за нивниот одговор на референдумот планиран за понеделник.
Во заедничкото соопштение објавено денес, министрите велат дека нивните влади се недвосмислени во своето противење на референдумот предложен од страна на Курдската регионална влада на северен Ирак (КРГ) и рече дека тој нема да биде од корист за Курдите или за КРГ.
Тие, исто така, се согласија да размислат за преземање координирани контрамерки, иако во изјавата не беа дадени повеќе информации за можните мерки.
На необврзувачкиот референдум, жителите од подрачјата во северен Ирак кои се контролирани од страна на Курдите ќе гласаат за целосна независност од Багдад.
САД и ОН исто така се изјаснија дека се против изборите, велејќи дека тоа ќе го одвлече вниманието од операциите против ДЕАШ и ќе доведе до поголема регионална нестабилност.
Багдад се закани дека воено ќе интервенира доколку гласањето резултира со насилство. Претседателот на Курдската регионална управа во северен Ирак, Масуд Барзани, рече дека позитивните гласови на референдумот нема да го постават начелото на декларацијата за независност, туку ќе водат кон преговори со ирачката Влада.
На состанокот министрите додадоа дека референдумот ќе биде неуставен и ќе ја потврди нивната силна посветеност на територијалниот интегритет и политичкото единство на Ирак.
Во соопштението се вели дека предложениот референдум ги става ирачките тешко стекнати придобивки против ДЕАШ под голем ризик... и поттикнува опасност за провоцирање нови судири во регионот, кои ќе биде тешко да се запрат.
Тие повикаа на дијалог во рамките на ирачкиот Устав за решавање на разликите меѓу Багдад и Ербил, главниот град на Курдската регионална управа, како и да се изврши меѓународен притисок за убедување на КРГ да се откаже од референдумот.
Министрите го поздравија неодамнешното ослободување на Нинива од ДЕАШ, област во којашто спаѓа и Мосул.
