ФИФА ги соопшти кандидатите за наградата „Најдобар тренер на годината“

ИСТАНБУЛ (АА) - ФИФА ја соопшти листата која се состои од 11 кандидати номинирани за наградата „Најдобар машки тренер во 2018 година“, пренесува Anadolu Agency (AA).

Според соопштението објавено на интернет-страницата на ФИФА, на оваа листа е вклучен и Дидје Дешам, кој со репрезентацијата на Франција го освои Светското првенство што се одржа оваа година во Русија, како и Зинедин Зидан, кој три пати по ред со Реал Мадрид стана шампион во Лигата на шампионите на УЕФА.

Листата на номинирани кандидати за најдобар машки тренер на годината е следна:

Масимилијано Алегри (Јувентус);

Станислав Черчесов (репрезентација на Русија);

Златко Далиќ (репрезентација на Хрватска);

Дидје Дешам (репрезентација на Франција);

Пеп Гвардиола (Манчестер сити);

Јирген Клоп (Ливерпул);

Роберто Мартинес (репрезентација на Белгија);

Диего Симеоне (Атлетико Мадрид);

Гарет Саутгејт (репрезентација на Англија);

Ернесто Валверде (Барселона);

Зинедин Зидан (Реал Мадрид).

Бројката на номинираните кандидати на оваа листа ќе се намали на три, по гласањето што ќе се изврши од страна на тренерите и капитените на репрезентациите, навивачите и новинарите. Најдобриот тренер на годината ќе биде избран на церемонија што ќе се одржи на 24 септември во Лондон.