Европската унија одобри 4,1 милијарди евра финансиска помош за Украина

Земјите од Европската унија (ЕУ) одобрија испраќање финансиска помош за Украина во вредност од околу 4,1 милијарди евра, јавува Анадолу.

Европскиот совет објави дека земјите-членки на ЕУ ја прифатиле одлуката за втората редовна исплата во рамките на финансиската поддршка од 50 милијарди евра планирана за Украина до 2027 година.

Како што е наведено, ЕУ ќе ја поддржи макрофинансиската стабилност и функционирањето на јавната администрација во Украина.

Се додава дека Украина ги исполнила потребните услови и реформи за добивање средства.

Во соопштението се потсетува дека Украина се наоѓа во тежок финансиски период и се наведува дека парите ќе бидат доделени во најкраток можен рок.

Потсетувајќи дека Фондот на Украина стапи на сила во март, се наведува дека на Киев ќе му се обезбеди стабилно финансирање од 50 милијарди евра, составено од грантови и заеми, за периодот 2024-2027 година.