ОН: Значително подобрена работната средина за дистрибуција на хуманитарна помош во Газа

ЊУЈОРК (АА) - Обединетите нации (ОН) соопштија дека има значително подобрување во работната средина за дистрибуција на хуманитарна помош по договорот за прекин на огнот во Газа, известува Анадолу.

Заменик-портпаролот на ОН, Фархан Хак, даде изјава на дневниот брифинг со новинарите.

Цитирајќи ги информациите што ги добил од персоналот на ОН во регионот, Хак рече дека персоналот за хуманитарна помош на ОН почнал да пристигнува во подрачјата кои претходно биле тешко достапни.

Хак рече дека има значително подобрување на работната средина на теренот, додавајќи дека е зголемен обемот на обезбедената хуманитарна помош и дека повторно се воспоставени редот и законот.