Русија со реакција на заканата на САД за санкции кон Турција

МОСКВА (АА) - Портпаролката на руското Министерство за надворешни работи, Марија Захарова, осврнувајќи се на одобрувањето на Нацрт-законот за санкции кон Турција од страна на Комитетот за надворешни односи на Сенатот на САД, рече дека политиките на вршење притисок преку санкции се неприфатливи во системот на координација во меѓународните односи, пренесува Агенција Анадолија (AA).

Захарова, на прес-конференција во Министерството рече дека САД вршат притисок кон Турција поради набавката на системот S-400 за воздушна одбрана.

Истакнувајќи дека нема потреба од коментар од трета земја за односите меѓу двете земји, Захарова подвлече: „Оваа дебата е неприфатлива.“

Таа, истакнувајќи дека Соединетите Американски Држави спроведуваат санкции и кон други земји, рече: „Политиките на вршење притисок преку санкции се неприфатливи во системот на координација во меѓународните односи.“

„НАТО се обидува да го зголеми степенот на напнатост.“

Потсетувајќи дека Самитот на лидерите на НАТО се одржа минатата недела во Лондон, главниот град на Велика Британија, Захарова рече: „На Самитот руската закана се најде пред заканата од меѓународниот тероризам, илегалната миграција и киберзаканите.“

Захарова, осврнувајќи се на одлуката на НАТО вселената да ја користи како ново поле на операции, нагласи: „НАТО се обидува да го зголеми степенот на напнатост и да доминира во сите области.“