Во Турција со пеење на химната од домовите одбележан 23. Април

АНКАРА

Турција го одбележува 23. Април - Денот на националниот суверенитет и детето, како и сто години од основањето на турскиот парламент (ТБММ). По тој повод луѓето во Турција излегоа на балконите и прозорците за да ја пејат химната, истакнувајќи го турското знаме, јавува Агенција Анадолија (АА).

Во Турција 23. Април се одбележува со низа церемонии ширум земјата, а децата учествуваат во програмите на стадионите и улиците. Сепак, оваа година домовите беа во фокусот на прославите, со оглед дека се забранети собири со цел спречување на ширењето на заразата со новиот тип на коронавирусот (Ковид-19).

Во градските центри се организирани и програми со светлосни и звучни ефекти, а граѓаните уживаа и во огномет.

Турција секоја година ја одбележува годишнина од основањето на Големото народно собрание на Република Турција (ТБММ) основано во 1920 година, со организирање на низа церемонии и посета на Антикабир, мавзолејот на Мустафа Кемал Ататурк, основачот на Турција.

На тој ден децата симболично седнуваат во пратеничките клупи. И претседателот на Република Турција Реџеп Таип Ердоган окружен со деца упати порака преку телевизија.