Турција: Во изминатите 10 месеци неутрализирани над 1.300 терористи

АНКАРА (АА) - Вкупно 1.313 терористи беа неутрализирани во текот на изминатите 10 месеци во турските антитерористички операции против ЈПГ/ ПКК, ФЕТО - организацијата која стои зад неуспешниот обид за пуч во 2016 година - ДЕАШ и други терористички групи.

Според податоците собрани од Агенција Анадолија (АА), Турските безбедносни сили привеле речиси 44.000 лица, меѓу кои над 11.000 осомничени припадници на терористичката ЈПГ/ПКК, 29.752 припадници на ФЕТО, 2.491 осомничен припадник на ДЕАШ и 701 припадник на левичарските терористички организации.

Притворени се над 8.000 лица - вклучително 2.143 осомничени припадници на ПКК, 4.907 на ФЕТО, 821 осомничен припадник на ДЕАШ и 160 осомничени припадници на левичарски терористички организации.

За време на операциите, Турските безбедносни сили заплениле 1.388 парчиња оружје, 526 импровизирани експлозивни направи, 808 рачни гранати, 38,6 тони експлозив и 257.000 пакувања муниција.

Благодарение на Турските безбедносни сили, во последните 10 месеци спречени се 257 терористички напади, од кои 247 планирани од страна на ЈПГ/ПКК, три од страна на ДЕАШ и седум од левичарските терористички организации.

Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои и деца и жени. ЈПГ е сириски огранок на ПКК.

ФЕТО и нејзиниот водач Фетула Ѓулен, кој живее во САД, стојат зад неуспешниот обид за државен удар на 15 јули 2016 година, во кој загинаа 251 лице, а речиси 2.200 беа повредени.

Терористичката ФЕТО стои и зад долготрајната кампања за соборување на државниот поредок преку инфилтрација на нејзините припадници во турските институции, особено во војската, полицијата и судството.

Откако ДЕАШ е ставена на листата терористички организации во 2013 година, таа во Турција изведе многубројни напади, вклучувајќи 10 самоубиствени, седум бомбашки и четири вооружени напади, во кои животот го загубија 315 лица, а беа повредени стотици.

Како резултат на нападите, Турција започна антитерористички операции во рамките на нејзините граници и надвор од неа, во кои неутрализира 3.500 терористи на ДЕАШ, а уапси 5.500.